https://almrawelmogtmaa.blogspot.com/2021/12/blog-post_57.html
بتاريخ 9/12/2021
الشاعر المصري
أحمد إبراهيم النجار
يكتب قصيدة ( أنا عيدك )
أنا اللى بعيش
مع الصورة لأمورة
ماليها وجود
على الواقع أميرة
جميله فى الأحلام
وبنها وبيني أنا مانع
لأنا قادر
أعدي حدودي وأوصلّك
ولا مالك زمام أمري
بشوفك بس فى الأحلام
وفاردة ايديكِ بضّمي
وأنا اغني ويعلى الصوت
فى كل مكان
وحشتيني يا نور عيني
يا سكنه جوة فى النني
ده أنا الماضي وأنا الحاضر
فى كل منام
وبلمس خدك الوردي
وأعيش الليل مع بدري
ونور طايل حدود البُعد
وأعيش الوعد ف عنيكِ
وامد إيدايه لأيديكِ
فى لحظة صمت
يصاحّيني شروق الشمس
وأعيش وحدي
واستني فى ليل يِأتي
وأشوفِك تاني فى الأحلام
وأنا ف بُعدك بعيش ضايع
وأفتح عيني على صورتك
وأنا اللى بعيش
مع الصورة لأمورة
ماليها وجود على الواقع
أميرة جميله فى الأحلام
وبنها وبيني أنا مانع
وآه من بُعدك المكتوب
وآه من فجرك الغايب
وآه م الشوق
فى نبض قلوب
ماليها الشوق وأنا دايب
حبيبتي يا أحلى أحلامي
حبيبتي يا كل أيامي
يا شمس ونور
قصيدة حروفها إلهامي
يا عطر زهور
فى بستاني وفايحه عطور
جميله عينيكِ عنواني
مدينتي وعمري ومكاني
برغم البُعد والمسافات
وقلبى وقلبك العاشق
برغم الشوق وطول لاوقات
أنا حُبك وأنا الفارس
فى أحلامك
أنا الفرحه لأيامك
وأنا المكتوب على جبينك
وحبي بيسري فى وريدك
وأنا عيدك
بفرحه وشوق
وأنا اللى بدوب
فى تكوينك
حبيبتي يا أغلى أحبابي
يا أجمل حلم فى منامي
وأنا إللى بعيش
مع الصورة لأمورة
ماليها وجود على الواقع
أميرة جميله فى الأحلام
وبنها وبيني أنا مانع
لأنا قادر
أعدي حدودي وأوصلّك
ولا مالك زمام أمري
بشوفك بس فى الأحلام
بقلم الشاعر المصري
أحمد إبراهيم النجار
تعليقات
إرسال تعليق