مش مهم
بقلم الاعلامية هبة مصطفي
مش مهم انك تلاقي شخص يفهمك بالضبط المهم انك تلاقي شخص تعرف تتعامل معاة في كل حالاتك
مش مهم انك تلاقي شخص يحسك بس المهم انة يكون عايز يفضل معاك ع الحلوة والمرة
مش مهم تلاقي شخص يشوفك حلوة وذي القمر بس المهم يشوفك احلي واحدة في الدنيا
مش مهم انك تلاقي واحد يعيشك في اجمل مكان المهم اللي هتلاقية تشوفي الدنيا كلها معاة جنة
مش مهم يفضل طول الوقت يحب فيكي ويقولك شعر وكلام حلو المهم يكون عارف يقول بحبك بشكل مختلف ويخليكي تصدقية
مش مهم تلاقي الناس كلها حواليكي تتكلمي معاهم وتحكيلهم المهم يكون عندك شخص واحد بالدنيا كلها
مش مهم انك تكون عارف طوب الارض وبتمشي تسلم ع البشركلها كفاية يكون عندك صاحب بجد في كل وقت تلاقية
مش مهم انك تشتغل احسن شغلانة اواحسن مكان المهم تشتغل شغلانة تعرف تفيد بيها الناس مهما كانت
مش مهم تعمل حاجة توصل للناس كلها والناس تمشي وتهتف باسمك المهم تعمل الحاجة اللي مقتنع بيها
مش مهم تبين قدام الناس بانك محترماووي وانت بينك وبين نفسك شيطان المهم تكون من جواك ابيض وسليم حتي لو في الظاهرباين انك طايش ومجنون
مش مهم الناس كلها تشوفك كويس المهم انك راضي عن نفسك وعارف انك تستاهل تكون كويس
مش مهم يكون في ايدك احسن موبايل اوراكب احدث عربية النهم الحاجات دي تكون بالحلال
مش مهم انك تربي دقنك عشان الناس تقول دة متدين وانت بتسب وتلعن المهم الاحترام بدقن اوغيرة
مش مهم تكون بتكتب كلام كويس ولغة ومفردات المهم انة يكون طالع بجد من قلبك بجد حتوصل بية لهدفك
مش مهم تقراء كتب اجنبي او لفلاسفة علشان تبقي مثقف المهم تقراء اللي تستفيد منة
مش مهم انا كتبت الكلام دالية دلوقتي المهم انة اللي يقراءة يستفيد بحاجة
مش مهم ان الكلام كلة يكون صح المهم ان جملة واحدة منة تلمس حد
فيكوا
تعليقات
إرسال تعليق